Azkoitiko Baratze Parkea herriaren kanpoaldean kokatua dago, igerileku irekien ondoan. Lehen larre izaniko lekua da, hortaz oso aproposa baratze lanetarako. Guztira 3.000 m² dituen eremua da eta gune altuago batean egonik, Izarraitz mendilerroaren ikusmira paregabea du bertatik.

Partzelak bi multzotan banatuta daude: goikoak eremu lauan daude eta behekoak ekialdera orientatutako aldapan. Ohiko partzelez gain, bi partzela altuak ere egokitu dira behar bereziak dituzten lagunentzako.

Parkearen sarreran erabiltzaileen etxola dago. Eremutik banatuta 4 uraska daude eta hauen alboan konpost guneak ditugu. Auzo-hazitegia eta intsektuak erakartzeko hoteltxok ere jarri dira inguruan.

Furgobaratza. Egutegia 2023