Azpeitiko Baratze Parkea bi gunetan banatzen da: Otzakan, lehendik zegoen aisialdi baratze bat Sareko eredura egokitu da eta Izarraitzpen berriz, baratze eremu berri bat sortu da, baratzeen aukera zabalduz. Biak Izarraitzen magalean aurkitzen dira: bata, Otzaka auzoan, herriaren ipar-mendebaldean, eta bestea, Loiolabide hiribide nagusiaren albo batean.

Otzakan, lur eremuen hedadura murriztu egin da 80m²-ra eta lehendik zeuden etxola indibidualak bi baratzekideentzako egokitu dira. Komuna badu Baratze Parkeak, aparkalekua ere eta erabilera amankomuneko azpiegiturak egokitu dira: esertokia, konpostasguneak, auzo-hazitegiak eta arbak uzteko guneak.

Izarraitzpeko baratze eremuak 30m²-ko eta elkarteentzako 60m²-ko lur-sailak ditu, baita irisgarritasun arazoak dituztenentzat 2 lursail egokituak ere. Lursailak ortogono moduan antolatuta daude mendi-magal suabe honetan. Eremuaren berezitasun nabarmenena goialdean dagoen atsedenerako behatokia da. Gainera bidegorria bertaraino iristen da, eta auzo-hazitegiak eta arbak uzteko guneak ere baditu.

KOMUNIKABIDEETAN

• Azpeitiko Baratze Parkeak: aisialdian naturarekin harremanetan, Uztarria.eus