Elgetako Baratze Parkea herri gunetik oso gertu aurkitzen da, landaketetarako oso aproposa den eremu batean; izan ere lehen belardi izaniko partzela da. Lursailak hego mendebaldera kokatuta daude, guztira 20 dira eta 50 m²-ko hedadura dute. Bertatik, herriaren ikusmira polita bistaratu dezakegu.

Eremuak ohiko antolamendua du: partzelak parkearen bide nagusiaren bi alboetara kokatuta daude eta sarreran erabiltzaileentzako aldagelak eta takilak dituen etxola dago. Bertan ere lanerako erremintak gordetzen dira. Honetaz gain, uraskak eta konpostagunea aurkitu daitezke parkean, baita auzo-hazitegiak.