Baratzeko erreminta berria erosteko aukera eskaintzen zaizue  Baratze Parke Sareko elkarteei  %35ko beherapenarekin, Bellota enpresaren laguntzari esker. Palak, aitzurrak, orgatilak eta beste erreminta asko daude aukeran.Bellota, 1.908an Legazpin sortutakoa, eta gaur egun, nekazaritzarako erremintak mundu osoan zehar  saltzen duen  enpresa dugu kanpaina honen babeslea. Bellotarekin lanean gaude bertako empresa dugulako eta  Forest Stewardship Council (FSC)-ek ziurtatutako egurra erabiltzen dutelako gehien bat. Baratze Parke Sareko erremintak babestuz gain, Kutxa Ekoguneko Ikastetxeentzako hezkuntza programa ere babesten du Bellotak: Gipuzkoako eskoletako 2.000 ikasle baino gehiago parte hartzen dute urtero programa honetan. Gainera, Sareko baratzekideekin  batera, erreminta berriak probatzen ditu.

Eskaera egiteko mezu bat bidali ezazu helbide honetara otsailaren 28a baino lehen: andrew@ekogunea.eus