Aurten 10 urte bete ditu Baratze Parke Sareak. Sarearekin batera, Baratze Parke zehatz batzuk ere hamargarren urteurrena betetzen dute: Lezokoa, otsailean; Usurbilgoa eta Alegikoa, maiatzean; Tolosakoa, irailean; eta Hernaniko bi Baratze Parkeak, Antziola eta Sagastialde, urrian.

Horregatik, hamargarren urteurren hau aitzakiatzat hartuta, BPS sareak hamar bat merezi duen Baratze Parkea saritu nahi izan du.

Eta ez bat, bi izan dira Sarearen iritziz, hamarra merezi duten Baratze Parkeak eta hauexek dira:

• Tolosako Baratze Parkea, bere 10 urteetan egin dituen eta egiten jarraitzen duen jardueren kopuru eta kalitatearengatik. Urte hauetan burututakoaren asko eta asko ikus daiteke Facebooken duen perfilean.
  Eta egindako guzti honen ondorioz, egun esan daiteke topaleku erakargarria, aktiboa, eta integratzailea dela Tolosako Baratze Parkea. Eta gainera, kontutan edukita Iurramendi egoitzako finkan kokatzen dela Baratze Parkea, aberasgarria ere bihurtu dela Iurramendi egoitzako erabiltzaileentzat esan daiteke ere..
   
• Irungo Baratze Parkea. Izan ere, azken esleipenetik 3 urte baino gehiago igaro ez arren, baratzekekideak modu eredugarrian antolatu dira eta eraginkortasun handiz erantzuten diete Baratze Parkean sortzen diren behar guztiei..

Sariak ere jaso dituzte Tolosa eta Irungo Baratze Parkeko kideak: bi Baratze Parke hauetako kide guztientzako barazkiak jasotzeko poltsak banatu dira, baita orga batzuek ere

Baina ez dira edonolako poltsa eta orga, ez! Guzti hauek SINDESPERDICIO programak prestatu ditu.

SINDESPERDICIO poltsa eta osagarri birziklatuen marka da, Emaus Gizarte Fundazioa taldekoa. SINDESPERDICIO programak bizitza baliagarria amaitu duten materialak berreskuratzen ditu eta lehengai eta pieza berezietan bihurtzen ditu. Tokiko eta artisautzako lanaren bidez, eta Emausek sortutako gizarteratze-enpresari esker, enplegu iraunkorra eta kalitatezkoa sortzen du, ingurumena errespetatzen duen kontsumo arduratsua praktikatzeaz gain.

Banatutako poltsak eta orgak museoetako publizitate-banderolekin egin dira. Heldulekuak egiteko ere, materialak berrerabili dira, amarratze-zinten soberakinetatik datoz hain zuzen. Material guzti hauek zabortegira botatzekoak ziren.

Eta berrerabiltze honi esker hauxe lortu da:

Furgobaratzak hileko bisita bat egiten du Sareko Baratze Parketara: aholkuak ematen dizkigu, sortzen dizkigun arazoei erantzuten digu, ditugun zalantzak argitzen dizkigu edo praktika egokiak ere proposatzen dizkigu.

Gainera, zenbaitetan, tailer praktiko eta dinamikoa batekin etortzen zaigu, sasoiari lotutako gai bat jorratuz. Furgobaratza guztiontzako doako zerbitzua da.

Egutegia 2024

Hau da Furgobaratzaren egutegia maiatzean (ordua: 18:00):

• Maiatzak 2, osteguna: Irun
   
• Maiatzak 6, astelehena: Azkoitia
• Maiatzak 7, asteartea: Donostia (Kutxa Ekogunea)
• Maiatzak 8, asteazkena: Lezo
• Maiatzak 9, osteguna: Ikaztegieta
   
• Maiatzak 13, astelehena: Olaberria
• Maiatzak 14, asteartea: Tolosa
• Maiatzak 15, asteazkena: Villabona (Tomatearen tailerra barne)
   
• Maiatzak 20, astelehena: Zumarraga
• Maiatzak 21, asteartea: Urnieta
• Maiatzak 22, asteazkena: Hernani
• Maiatzak 23, osteguna: Zumaia
   
• Maiatzak 28, asteartea: Beasain
• Maiatzak 29, asteazkena: Errenteria
• Maiatzak 30, osteguna: Ordizia

Hau da Furgobaratzaren egutegia ekainarako (ordua: 18:00).
Bisita guztietan Konpostaje indibiduala Tailerra barne dago.

• Ekainak 3, astelehena: Azkoitia
• Ekainak 4, asteartea: Donostia (Kutxa Ekogunea)
• Ekainak 5, asteazkena: Irun
• Ekainak 6, osteguna: Orio
   
• Ekainak 10, astelehena: Olaberria eta Villabona
• Ekainak 11, asteartea: Tolosa
• Ekainak 12, asteazkena: Lezo
• Ekainak 13, osteguna: Ikaztegieta
   
• Ekainak 17, astelehena: Zumarraga
• Ekainak 18, asteartea: Urnieta
• Ekainak 19, asteazkena: Hernani
• Ekainak 20, osteguna: Zumaia
   
• Ekainak 25, asteartea: Beasain
• Ekainak 26, asteazkena: Errenteria
• Ekainak 27, osteguna: Ordizia

Ez da ikastarorik aurreikusten hurrengo asteetan.

• Konpostagunetako panelak
• Beste seinaleak

KONPOSTAGUNETAKO PANELAK

Sareko Baratze Parketan sortzen diren hondar begetalak jaso eta auzolanean konposta bihurtzen ditugu, gero lursailak ongarriztatzeko erabiltzen duguna.

Konposta egin ahal izateko oso garrantzitsua da hondar begetalak behar den tokian, lurrik gabe eta ondo zatituta botatzea. Hau baratzekide guztiei egoki adierazteko bi panel mota prestatu ditugu: bat, hondarrak botatzeko gune ondoan jartzekoa, eta bigarrena, konposta umotzeko erabiltzen den gunetan jartzeko.

Bi panelak PROTEC enpresak egindakoak izango lirateke, HPL-an (oso material iraunkorra) eta bertan jartzeko lanak berriz KIMUBAT enpresak egin zitzakeen.

Zure Baratze Parkeko konpostagunetan panelak jartzea interesa baduzue, informazio gehiago jaso dezakezue korreo bat bidaltzen baduzue helbide honetara: baratzeparkea@ekogunea.eus