Land art esperientzia kolektiboa Kutxa Ekoguneko zelaietan.  Tailer honetan land art-eko lan bat egiten eta muntatzen parte hartuko duzu familian. Lan horretan, ilargierdi itxurako bide bat marraztu beharko duzu, adarrak eta hazi-ponpak dituena.  Hazi-bolak zer diren jakingo duzu, eta horiek egiten ikasiko duzu. Hazi-bolak zer diren jakingo duzu, eta horiek egiten ikasiko duzu. Hazi-ponpak edo Nendo Dango (buztin-bolak japonieraz) antzinako labore-mota antza-modu bat dira, lurra haziak dituzten buztin-bolekin ereitean datzana, lurra luberritu beharrik gabe.

Masanobu Fukuoka izeneko biologo, nekazari eta filosofo japoniar batek sortu zuen kontzeptua.  Hazi meliferoak ereingo ditugu, udaberrian ernaldu eta loratzen direnean, erleek elikatzeko aparteko lekua izan dezaten.  Udaberrian loreak bonbardatu nahi dituzu?

Idoia Lizeaga, lore-maisu eta bitxigile artisaua | www.idoializeaga.com

Formatua: tailer kooperatiboa Noiz 2021/04/01ean, osteguna eta 2021/04/02an, ostirala Ordua: 10:00-11:30 | 11:30-13:00 Ordu kopurua: 1,5/saioa Lekua: Kutxa Ekogunea  Hizkuntza: elebitan Prezioa:5 € Adina: familiak

Kolore, kolore ta gustu guztiak. Denontzat, denontzat ez dira berdinak. Urdina... zuk nahi duzu urdina. Nik maiteago horia. Bien artean berdea sortuko da. Ezkerra, eskuina, gibel edo aintzina. Bakoitzak bere bidea. Berarentzat onena!

Saioa Aizpurua, ipuin kontalaria

Formatua: ipuin antzeztua Noiz 2021/04/03an, larunbata Ordua: 11:00-12:00 Lekua: Kutxa Ekogunea Hizkuntza: euskaraz Prezioa: 7 € Adina: familiak

Australiar aborigenek diote Amalurraren soinu guztiak elkartuko balira, didgeridooaren zurrunbiloa aterako litzatekela. Didgeridoo bakoitzak bere ahots propioa du eta termitek hustutako eukaliptozko enbor bat da. Naturak oparitutako musika tresna!

Familia osoarentzat den solasaldi honetan australiar mitologiaren bi ipuin kontatuko dira (Tiddalick igela eta Munduaren sorrera), marrazkien eta naturaren musikaren laguntzarekin. Bukaeran haur eta guraso bakoitzak didgeridoo bat egin, irudiekin apaindu eta jo ahal izango du. Baita etxera eraman ere! Sar zaitezte australiar aborigenen Ametsen Garaira.

Iban Nikolai, didjeridoo musikaria eta irakaslea | www.ibannicolay.com
Maitri Ugalde, artista plastika

Formatua: sormena eta musika tailerra Noiz 2021/04/04an, igandea Ordua: 11:00-12:30 Lekua: Kutxa Ekogunea Hizkuntza: euskaraz Prezioa: 8 € Adina: familiak

Gure inguruko landareak, loreak eta algak izango dira egingo ditugun zianotipien oinarri. Zianotipia argiarekin egiten den inprimaketa teknika da. Soluzio fotosensiblea dela medio, eguzkiaren argiarekin harreman zuzena edukitzerakoan papera edo oihala urdintzen ditu, plantxa gisa erabili dugun landare edo algaren aztarna erreserbatuz.

Teknika horrek lotura estua du botanikarekin; izan ere, argazki-irudiekin osorik argitaratutako lehen liburua alga-herbarioa da, eta Anna Atkins botanika britainiarrak teknika horren bidez egin zuen.

Itziar Unzurrunzaga, diseinatzaile eta inprimatzailea, bere azken lanak naturaren kolorea, ezaugarriak eta formak islatzen ditu | www.itziarunzurrunzaga.com

Formatua: estanpazio tailerra Noiz 2021/04/06an, asteartea eta 2021/04/08an, osteguna Ordua: 16:00-18:30 Ordu kopurua: 2,5/saioa Lekua: Kutxa Ekogunea  Hizkuntza: euskaraz Adina: familiak Prezioa: 10 € (6 urte arteko haurrak doan)

Proposamen hau familia esperientzia bat da naturan jardutean prozesua modu organikoan: tribu txiki bakoitzaren erritmoa errespetatzen du familiako kide guztien arteko loturak hurbiltzen eta indartzen dituen bitartean. Familiek saio solteetan eman dezakete izena, eta ez da beharrezkoa aldez aurretik yoga praktikatu izana.

Marta Madhurai, yoga irakaslea. Esperientzia handia du emakume, haur eta familiekin yoga saioak ematen | www.yogamadhurai.com

Formatua: yoga saioa Noiz Apirilaren 8a eta 10a Ordua: 11:00-12:15 Ordu kopurua: 1,15/saioa Lekua: Kutxa Ekogunea Hizkuntza: elebitan Prezioa: 7 €  (3 urte arteko haurrak doan) Adina: familiak

Euskal Herriko artilearen munduan murgilduko gara, artilea lantzeko beharrezkoak diren prozesuak ezagutuko ditugu: ilea moztea, garbitzea, jorratzea eta kardatzea. BiziKarderrekin (artilea kardatzeko bizikleta) eta BiziRuekarekin (bizikleta baten gainean iruteko gurpila) egiten dugun lanaren erakustaldia egingo dugu, iruteko teknika tradizionala zurezko ziriarekin ikasiko dugu eta, azkenik, Mutur Beltz zintzilikario edo giltzatako bat sortuko dugu aurpegi beltzeko Karrantzako artilararekin. Tailerra parkeko naturgunean emango da.

Mutur Beltz, Karrantzako ardi beltza sustatzeko elkarte agroekologikoa, artistikoa eta kulturala. Besteak beste, honako helburu hauek ditu: ardi horien artilea lehengaitzat hartzea, praktika artistiko garaikidearen eta diseinuaren bidez; euskal artileen erabilera berriak ikertzea, eta, hartara, gure ingurunean eragiten duen ingurumen-inpaktua gutxitzea. Apustu politiko horrek guztion ongia eta erantzukizun soziala bilatzen ditu, ama lurrarekin duen harremanetik abiatuta | www.muturbeltz.com

Formatua: artile tailerra Noiz 2021/04/11an, igandea Ordua: 11:00-13:30 Lekua: Kutxa Ekogunea Hizkuntza: elebitan Prezioa: 8 € Adina: familiak

Kutxa Ekogunean ibilaldi txiki baten bitartez gure inguruan ohikoenak diren udaberriko landareak identifikatzen ikasiko dugu eta nola biltzen eta kontserbatzen diren. Sukaldaritza, medikuntza eta kosmetikako aplikazioak ikasiko ditugu. Arratsaldean berriz, gibela garbitzeko udaberrian eskura dauzkagun sendabelarrekin erremedio ezberdinak landuko ditugu.

Garbiñe Larrea. Naturopata eta hezitzaile ayurvedikoa. Sendabelarren ezagutza etxetik datorkion tradizioa da eta azken sei urteotan ikastaroak eta hitzaldiak ematen espezializatu da.

NOIZ:  2021/04/17, larunbata, 10:00-14:00 / 15:00-17:00 LEKUA: Kutxa Ekogunea  ADINA: + 18 urte

Egun bizi dugun pandemia egoeran, koronabirusa aire zabalean gutxiago kutsatzen dela ikusita asko dira ikasgelak naturara zabaldu dituzten ikastetxeak. Ikastaro honen helburua, beraz, eskolak naturara zabaltzeko grina piztea da, egun bizi ditugun egoerei aurre egiteko irtenbide gisa. Eskola-sistemako eragileengan jasangarritasunarekiko konpromezua indartu nahi dugu eta horretarako, irakasleak naturan hezteko prestatu nahi ditugu. Zeren zain gaude? Naturan ikasteko unea da! 

Irati Andoño. Haur Hezkuntzan diplomatua da. Esperientzia handia du haurrekin bai helduekin lanean, herrialde eta hezkuntza zein laguntza ezarpen ezberdinetan. Baso Eskola edo Forest Kindergarten proiektua lideratzen aritu da Eskozian urte luzez eta Bandera berdea (Eco Flag) lortzeko partaide aktiboa izan da. 2017 urtetik Kutxa Ekoguneko Ingurumen Hezkuntzako departamentuan dabil, baso-eskolako teknikari gisa.

Maialen Sistiaga. Biologian doktorea da eta Euskal Herriko Unibertsitatean, British Columbiako Unibertsitatean (Kanada) eta Cagliariko Unibertsitatean (Italia) aritu izan da lanean ikertzaile eta irakasle gisa. Esperientzia zabala du aisialdi taldeen koordinazioan eta ingurumen hezkuntzan. Hain zuzen, 2016 urtetik Kutxa Ekoguneko Ingurumen Hezkuntzako departamentuan dabil, baso-eskolako teknikari gisa. EuskalNatura – UEU Natur Zientziak taldeko kidea 2007 urtetik, egun UEUko irakaskuntza masterrean “Berrikuntza Ikasgelan” irakasgaiko irakaslea da.

NOIZ:  2021/04/17 eta 2021/04/24 | 10:00-14:00 / 15:30-17:30 LAGUNTZAILEA: Kutxa Ekogunea LEKUA: Udako Euskal Unibertsitatearen (UEU) egoitza, Iruñean ADINA: +18 urte

Zurtoina bistan duten eskuko sortak egiteko teknika berezia landuko dugu. Sorta hauek gramineoak, loreak eta bestelako material naturalak erabiliz osatuko ditugu, gure lana iraunkorra izan dadin, landare aukeraketa egokia egiten ikasiz.

Idoia Lizeaga. Lore-maisu eta bitxigile artisaua. Esperientzia luzea du lore-artearen prestakuntzan eta espezialista da lore-bitxigintzako gaietan eta espazio publikoak apaintzeko edo dimentsio handiko lanak egiteko ekipoen diseinuan eta zuzendaritzan. Tailerrak antolatzen ditu aire zabalean, naturarekin konektatu ahal izateko, teknika eta materialak erraz ezagutzeko eta sormen-prozesu bat modu ludikoan esperimentatzeko | www.idoializeaga.com

NOIZ:  2021/04/23, ostirala |  17:00-20:00 LEKUA: Kutxa Ekogunea  ADINA: + 18 urte

Zure etxeko terrazan edo balkoian baratze bat abian jartzeko oinarrizko konpetentziak eskuratuko dituzu. Balkoi batean barazkiak zaintzeko moduak, hazteko metodoak, garaiak, substratu motak, ureztapen eta loreontzi ezberdinak erakutsiko duen jarduera antolatu dugu. Ikastaroaren amaieran, balkoi erako plano orokor baten diseinua eskainiko da. Hortik abiatuta, parte-hartzaile bakoitzak bere etxebizitzaren ezaugarrietara egokitu ahal izango du, eta ikastaroan ikasitakoa finkatu.

Anjel Azpillaga. Irakaslea eta nekazari aprendiz gisa definitzen da. Bere ibilbidean zehar Ingurumen Hezkuntzan murgildua, zibilizazioz gaixotu garen mundu honetan, inguruarekiko errespetua zabalduz.

NOIZ:  2021/04/24, larunbata |  9:30-13:30 LEKUA: Kutxa Ekogunea  ADINA: + 18 urte

Ikastaro praktiko honetan, feltroa eskuz egiteko oinarrizko teknika ezagutuko dugu. Hasieran, 45 minutuko zati teoriko bat egongo da, material malgu, berezi eta noble horrek eskaintzen dituen aukeretara hurbiltzeko. Artile motak eta horien egokitzapena landuko ditugu, bai eta material horrekin diseinatzeko metodoa eta oinarriak ere. Alde praktikoan, feltro naturaleko lagin lauak egingo ditugu, kolore ukitu biziagoekin

Tytti Thusberg. Moda iraunkorraren diseinatzailea. Finlandiako Savonia Kuopio Zientzia Aplikatuen Unibertsitateko karrera amaierako lanean feltroa egiteko metodo berri bat garatu zuen, zeinarekin artisau-sektorearen (Finlandiako artisau-maisuak) eta nazioarteko moda diseinuaren (Smirnoff Internacional Fashion Award) aintzatespen ofizialak jaso dituen  | www.tyttithusberg.com

NOIZ:  2021/04/24, larunbata |  10:00-14:00 / 15:00-17:00 LEKUA: Kutxa Ekogunea  ADINA: + 18 urte

Buztingile aditu gisa buztinezko ernamuin egosiak fabrikatzeaz gain, horiek erabiltzen, ernamuinak egiten, gehien erabiltzen diren haziak identifikatzen, haien energia- eta nutrizio-ezaugarriak balioesten eta sukaldean edo janarian erabiltzen ikasiko dugu.

Arantza Munita. Eskultorea. Mexikon bizi izan zen denboran, zeramika ezagutu eta hari buruzko interesa agertu zuen. Lurra bitarteko tresnarik gabe, eskuekin zuzenean baizik, moldeatzeak ekarri zion teknika ikastea. 30 urtetik gorako ibilbidea du zeramikako irakasle.

Olaia Blanco. Elikadura osasuntsu eta makrobiotikan aditua. Jakin makrobiotika eta alkimia eskolako nutrizio eta sukaldaritza arloan irakasle eta arduraduna da. Mendian eta taldean bizi da, naturaren maitale sutsua. Pertsonen eta elikagai zein gauzen eraldaketa interesgarri zaiona.

NOIZ:  2021/04/30 (17:00-19:00) eta 2021/05/14 (17:00-19:30), ostirala LEKUA: Kutxa Ekogunea  ADINA: + 18 urte

Bitxigintza galkorrako tailer honetan, ehunezko besokoak sortuko dira, ehunezko gainazaletan kolatutako loreak, petaloak eta hosto naturalak erabiliz. Eredu bat oinarri hartuta, parte-hartzaileek besoko bat egingo dute, euskarri baten gainean hosto eta loreak bi aurpegiko zintarekin uztartuz, kolorezko testura eginez. Materialen testuraren kontzeptua eta sailkapena aztertuko ditugu, eta modu egokian konbinatzen ikasiko dugu. Inguruneko materialak bilduko dira, dagoeneko prestatuta dauden materialen hautaketa batekin konbinatzeko.

Idoia Lizeaga. Lore-maisu eta bitxigile artisaua. Esperientzia luzea du lore-artearen prestakuntzan eta espezialista da lore-bitxigintzako gaietan eta espazio publikoak apaintzeko edo dimentsio handiko lanak egiteko ekipoen diseinuan eta zuzendaritzan | www.idoializeaga.com

NOIZ:  2021/05/07, ostirala |  17:00-20:00 LEKUA: Kutxa Ekogunea  ADINA: + 18 urte

Orizomegamia oihalean patroiak sortzeko Japoniako teknika tradizional bat da, origami estiloan tolestu eta gero tindagaietan partzialki murgilduz. Ikastaroak bi atal ditu: lehen atalean tolesteko sistemak azalduko ditugu eta Kutxa Ekoguneko landaredia ezberdinetatik koloreak nola lortu ikasiko dugu. Ostean hainbat toleste-sistema eta kolore-konbinazio esperimentatuko ditugu, teknika ulertu eta probatzen joateko. Bigarren atalean parte-hartzaile bakoitzak ikasitako guztia aplikatzeko aukera izango du etxera eramango duen zapi bat sortuz.

Ane Baztarrika. Artista eta diseinatzaile, Arte Ederretan eta ehun-diseinuan prestatua. Japonian zehar bidaiatzeko aukera izan zuen, eta hainbat ehun-teknika tradizionaletan sakondu zuen, hala nola Shibori eta orizomegamian, eta baita tinta naturaletan ere. Tindagai jasangarriei buruz ikertzen hasi zen Amsterdameko laborategi batean | www.anebaztarrika.com

NOIZ:  2021/05/08, larunbata |  10:00-14:00 / 15:00-17:00 LEKUA: Kutxa Ekogunea  ADINA: + 18 urte

Shibori-k Japonieraz bihurritu, estutu, presionatu edo amarratu esan nahi du. Teknika horren bidez, oihalaren zenbait gune blokeatzean datza, gune horiek tindatu gabe gera daitezen irudiak sortuz. Tinta batzuk, Kutxa Ekoguneko parkean zehar bilduko ditugun landareetatik zuzenean lortuko ditugu. Gure tailerrean blokeatzeko mota desberdinak probatuko ditugu: gomak erabiliz, korapiloak, egurrezko piezak, pintzak, kanikak etab. Esperimentazioari denbora gehiena eskainiko diogu eta bakoitzak etxera oihalean egindako probak eramateaz gain zapi bat egiteko aukera izango du.

Ane Baztarrika. Artista eta diseinatzaile, Arte Ederretan eta ehun-diseinuan prestatua. Japonian zehar bidaiatzeko aukera izan zuen, eta hainbat ehun-teknika tradizionaletan sakondu zuen, hala nola Shibori eta orizomegamian, eta baita tinta naturaletan ere. Tindagai jasangarriei buruz ikertzen hasi zen Amsterdameko laborategi batean | www.anebaztarrika.com

NOIZ:  2021/05/15, larunbata |  10:00-14:00 / 15:00-17:00 LEKUA: Kutxa Ekogunea  ADINA: + 18 urte

Ikastaro hau lau saiotan egingo da. Hasteko, landa-koadernoei buruzko sarrera bat egingo da: funtzioa eta aukerak, materialak, koaderno-motak, informazio erabilgarriaren bilketa, koadernotik obrara, koadernoaren helburua, informazioa eta naturako egunkaria. Ondoren, landa-zirriborroen erakustaldi bat egingo dugu eta azkenean, naturalaren pintura landuko dugu. Trikimailuak, lagungarri izango zaizkigun elementuak, akuarela fabrikatzeko formulak, artisau-akuarelazko kaxen ereduak eta geure materiala egiteko eta koadernoa aberasteko modua ezagutzeko aprobetxatuko dugu. Amaitzeko, egindako lanen balorazioa egingo dugu.

Juankar Cardesín. Batez ere, akuarela lantzen duen margolaria. Gaur egun, Gipuzkoako Elkarte Artistikoaren aholkularia eta Euskal Akuarelisten Elkarteko kidea da. Bere lana bilduma nazional eta nazioartekoetan dago

NOIZ:  maiatzak 22a eta 29a eta ekainak 5a eta 12a |  11:00-13:00 LEKUA: Kutxa Ekogunea  ADINA: + 18 urte

Gizakion eta animalien arteko elkarbizitza osasuntsu eta gozagarrirako gakoak eta esperientziak partekatuko ditugu ikastaro honetan. Ikastaroaren hasieran, animalien ongizatea abiapuntu duen Kutxa Ekoguneko Abeletxeko bisita gidatua egingo dugu. Etxekotutako animaliekin harreman zuzena izan ondoren, euren behar eta emozioak ulertzeko eta asetzeko bideak aztertu eta elkar bizitza honek gizakion osasunean, sentiberatasunean eta bizitza kalitatean ere nola eragiten duen hausnartuko dugu.

Eider Otaegi. Giza Zientziatan lizentziatua Gizakien eta animalien arteko hartu-emanei buruzko graduondokoa egin zuen. Animalien arteko egungo harreman-moduak aldatzea helburu duten proiektuetan aritu da. Gaur egun, Kutxa Ekoguneko Abeletxeko teknikaria da, animaliekin gertuko bizipenak eraginez, haiekiko ezagutza-maitasuna-zaintza sekuentzia eragitea helburu duen proiektuan.

NOIZ:  2021/05/28, ostirala, 16:30-19:30 LEKUA: Kutxa Ekogunea  ADINA: + 18 urte

Kutxa Ekogunean ibilaldi txiki baten bitartez gure inguruan ohikoenak diren udaberriko landareak identifikatzen ikasiko dugu eta nola biltzen eta kontserbatzen diren. Sukaldaritza, medikuntza eta kosmetikako aplikazioak ikasiko ditugu. Arratsaldean berriz, gibela garbitzeko udaberrian eskura dauzkagun sendabelarrekin erremedio ezberdinak landuko ditugu.

Garbiñe Larrea. Naturopata eta hezitzaile ayurvedikoa. Sendabelarren ezagutza etxetik datorkion tradizioa da eta azken sei urteotan ikastaroak eta hitzaldiak ematen espezializatu da. 2018-2020 bitartean EITBko Txoriene saioko kolaboratzailea da. Gaur egun, naturopatia eta iridiologia kontsultan egiten du lan Azpeitian, Donostian eta Ondarroan.

NOIZ:  2021/05/29, larunbata, 10:00-14:00 / 15:00-17:00 LEKUA: Kutxa Ekogunea  ADINA: + 18 urte

Zergatik hizkuntzekiko kezka eta gogoa ekologiatik? Izan daiteke ekologista euskaltzale izan gabe? Eta alderantziz? Baina hainbesteko garrantzia al du euskaraz bizitzeak edo euskara biziberritzeak? Zergatik? Galdera hauei erantzuteko ekologiaren ikuspegia hizkuntzetara ekarriko dugu, hizkuntza-ekologistak izaten ahaldunduko gaituelakoan.

Itsaso Olaizola. Zuzenbide Ekonomikoan lizentziatua, Magisteritzan graduatua eta Ingurumen Zuzenbidean bi master ditu. Gaur egun, Kutxa Ekoguneko teknikari lanetan dabil proiektu kudeatzaile gisara.

NOIZ:  2021/06/09, asteazkena |  17:00-19:00 LEKUA: Kutxa Ekogunea  ADINA: + 18 urte

Zuntz begetalei eta saskigintzan beharrezkoak diren tresnei buruzko oinarrizko kontzeptuak ezagutuko ditugu. Botila bat edo kristalezko ontzi bat, oinarritik itxituraraino, guztiz ehuntzeko aukera emango diguten zatiak nola sortzen diren ikusiko dugu, baita ehun-teknika desberdinak ere: sinplea, bikoitza, hirukoitza eta ertzak, testurak sortzeko.

Idoia Cuesta. Ehun-sortzailea da. Bere diseinuek tradizioa eta berrikuntza uztartzen dituzte. Artisautza Sari Nazionala da. Galiziako Biosferaren Erreserbako eskualde batean du lantegia, eta bertan saskigintza garaikideari buruzko klaseak ematen ditu. Bere inspirazio-iturriak, ingurua, natura eta inguruko paisaia dira | www.idoiacuesta.com

NOIZ:  2021/06/19, larunbata |  10:00-14:00 LEKUA: Kutxa Ekogunea  ADINA: + 18 urte

Zuntz begetalei eta saskigintzan beharrezkoak diren tresnei buruzko oinarrizko kontzeptuak ezagutuko ditugu. Botila bat edo kristalezko ontzi bat, oinarritik itxituraraino, guztiz ehuntzeko aukera emango diguten zatiak nola sortzen diren ikusiko dugu, baita ehun-teknika desberdinak ere: sinplea, bikoitza, hirukoitza eta ertzak, testurak sortzeko.

Idoia Cuesta. Ehun-sortzailea da. Bere diseinuek tradizioa eta berrikuntza uztartzen dituzte. Artisautza Sari Nazionala da. Galiziako Biosferaren Erreserbako eskualde batean du lantegia, eta bertan saskigintza garaikideari buruzko klaseak ematen ditu. Bere inspirazio-iturriak, ingurua, natura eta inguruko paisaia dira | www.idoiacuesta.com

NOIZ:  2021/06/19, larunbata |  15:00-19:00 LEKUA: Kutxa Ekogunea  ADINA: + 18 urte

Santa Klara irlan ibilaldia egingo dugu bertako sendabelarrak ezagutu eta bildu ahal izateko. Sendabelar hauen erabilera anitzak ikusiko ditugu, negua datorrenerako norberarentzat oinarrizko botikina sortzeko asmoz. Arratsaldean berriz, Irlan ugaria den ereinotza erabiliz azalerako oso garbikari egokia den Alepoko xaboia egingo dugu formula tradizionala erabiliz.

Garbiñe Larrea. Naturopata eta hezitzaile ayurvedikoa. Sendabelarren ezagutza etxetik datorkion tradizioa da eta azken sei urteotan ikastaroak eta hitzaldiak ematen espezializatu da. 2018-2020 bitartean EITBko Txoriene saioko kolaboratzailea da. Gaur egun, naturopatia eta iridiologia kontsultan egiten du lan Azpeitian, Donostian eta Ondarroan.

NOIZ:  2021/06/26, larunbata, 10:00-14:00 / 15:00-17:00 LEKUA: Santa Klara irla eta Kutxa Ekogunea  ADINA: + 18 urte