Udalekuak

 

UDALEKUAK ETA LUDOTEKA
KUTXA EKOGUNEAN

Info gehiago

UDALEKUAK
KUTXA
AROTZ-ENEAN

Info gehiago

KIROL UDALEKUAK
KUTXA
AROTZ-ENEAN

Info gehiago

 

UDALEKUAK ETA LUDOTEKA KUTXA EKOGUNEAN
 

Natura bizitzeko eginak gaude!

Aurtengo udaleku eta ludotekan gure sustraietara bueltatuko gara, natura bizitzeko eginak gaudenez, naturan barneratuko gara eta gure zentzumenak aktibatu!

3-6 urte bitarteko txikienei Ludoteka sentsoriala prestatu dizuegu aurten, Ekogunea bost zentzumenekin goza dezazuen. Errekan ura arakatu, naturaren usaina aditu, zorroztu belarriak eta entzun gure txerrien kurrinkak, dastatu gure baratzak eta ikusiko duzue zein ondo pasako dugun elkarrekin!

Eta 7-10 urtekoentzako Udalekuetan aurten Naturabentura! Jolas kooperatiboak, eskulanak, irteerak Ekoguneko gune ezberdinetara, abeletxeko animaliak ezagutu, baratzezain bihurtu… elkarrekin biziko al ditugu abentura hauek? Gainera, ingurumen kontzientzia landuko dugu egiten ditugun jarduera guztietan, gure gaztetxoak naturaren zaindari bihur daitezen!

Adina: 3-10 urte

Datak:

  • ekainaren 24tik irailaren 6 arte, 4 edo 5 eguneko asteak
  • 4 eguneko asteak uztailaren 25a, 31a eta abuztuaren 15a jaiegunak dutenak dira

Ordutegia eta prezioak:

  • 9:30-13:30
  • Zaintza (8:00-9:30) eta bazkari (13:30-15:00) zerbitzuak eskainiko dira
  • Prezio murriztuak daude:
    %7a Gaztedi bezeroentzat (Gaztedi Plan edo kontua dutenak Kutxabanken), familia ugari edo monoparentalentzat.
    %10a Eki txartela duten haurrentzako eta Miramongo Parke Teknologikoko langileentzat.

Udalekuak eta ludoteka (3-10 urte)

9:30-13:30

Zaintza

Bazkaria

4 eguneko astea

60 €

15 €

24 €

5 eguneko astea

70 €

18 €

30 €


Oharrak:

  • Hezitzaile batek autobusez etorriko diren haurrak lagunduko ditu. Kutxa Ekogunera iristen den autobusa G1 Hernani-Aiete-Donostia da. G1 autobusean Okendoko geltokitik 9:00etan ateratzen da; haurrak 08:45etan bertan egon behar dute. Eguerdian, bueltan, haurrak leku berean jasoko dira 13:45etan. Haur bakoitzak bere txartelarekin ordainduko du bidaia.
  • Erreserba berdinean anai-arreben izen-ematea gauzatu daiteke bakarrik eta bi haurrek zerbitzu berdina aukeratu badute.

IZEN-EMATEAK
2019ko maiatzaren 6tik aurrera
Izena eman

 

UDALEKUAK KUTXA AROTZ-ENEAN

 

Sakatu irudian blogean sartzeko

 

Beste uda batzuetan bezala, Kutxa Arotz-Eneako instalazioak jartzen ditugu familien eskura. Bertan naturarekiko harremanetan oinarritutako jarduerak lagunarte ederrean egin ahal izango dituzte.

Ez galdu uda gogoangarriaz gozatzeko aukera!      

Adina: 8-12 urte (2007-2011 urte bitartean jaioak)   

Txandak     

6 eguneko txandak. Euskaraz egiten diren egonaldietan ezinbestekoa da hizkuntza menperatzea.

  • 1. txanda. Ekainaren 24tik 29ra (euskaraz). BETETA
  • 2. txanda. Uztailaren 1etik 6ra (euskaraz). BETETA
  • 3. txanda. Uztailaren 8tik 13ra (euskaraz). BETETA
  • 4. txanda. Uztailaren 15etik 20ra (euskaraz). BETETA
  • 5. txanda. Uztailaren 22tik 27ra (elebitan). BETETA
  • 6. txanda. Uztailaren 29tik abuztuaren 3ra (euskaraz). BETETA     

Prezioak:

  • Gaztedi: 186€
  • Orokorra: 209€

18 plaza %70ean hobarituta / Familia ugariak: %5eko deskontua

Lekua baieztatzea

  • Maiatzaren 14tik aurrera libre geratuko diren tokiak eskaintzeko izen-emateko epe berria irekiko da, txandak bete arte; bigarren epe honetan izen-ematearen hurrenkeraren arabera baieztatuko dira lekuak, kasu horretan ere mezu elektroniko eta SMS mezuen bidez.
  • Lekua esleitu ondoren egingo da ordainketa, baieztapeneko mezuan adieraziko den moduan. Ekainaren 1etik aurrera, baja emanez gero %80 soilik itzuliko dugu (salbuespena: gaixotasunagatik edo beste arrazoi garrantzitsu batengatik).

Egitaraua
Kutxa Arotz-Enea Larraungo haranean dago (Nafarroan) eta aisialdirako aukera ugari eskaintzen ditu, hala kokapen eta inguruneagatik nola lan-taldearengatik. Horri guztiari esker, paregabeko tokia da naturaz gozatu eta haren sekretuak bertatik bertara ezagutzeko. Lagun berriak egiteaz gain, ingurumenaz gozatzen eta errespetatzen ikasiko dute...

Horretarako, hamaika jarduera egingo dira Arotz-Enea eta inguruetan. Lagunartean gozatzeko programa bete-betea: txangoak bizikletan Plazaolako bide berdetik, txangoak basora, mendi-ibilaldiak, tailerrak, gynkana, ukenduak egitea, muztio-txotx, Etxarriko sekretuak, igerilekua, gau magikoak, amaierako jaia…

Oharrak

  • Garraioa autobusean: irteerak eta itzulerak Donostiatik eta Bilbotik. Beste leku batzuetatik irteteko aukera (gutxienez 35 laguneko taldea).
  • % 70eko hobaridun 18 leku eskainiko dira. Leku horiek eskuratu nahi dituztenek, baieztapeneko mezuan adierazitako moduan egin beharko dute eskaera. Kontsultatu HEMEN bete beharreko baldintzak eta aurkeztu beharreko dokumentazioa.
  • Familia ugariei %5eko beherapena aplikatuko zaie (Familia ugariaren titulua bidali behar dute arotz-enea@kutxa.eus helbidera, baieztapeneko mezua jaso ondorengo hamar egunetan, haurraren izen-abizenak adieraziz).
  • Informazio gehiago: arotz-enea@kutxa.eus.
  • Kutxak jardueraren ezaugarriak aldatzeko edota jarduerak bertan behera uzteko eskubidea izango du, gutxieneko parte-hartzaileen kopurua ez bada betetzen.

UDALEKUETAKO BLOGA
Udalekuak dirauen bitartean blog bat prestatuko dugu, eta bertan zuen seme-alaben eguneroko jarduna ezagutu ahal izango duzue. Gogoan izan, zuen seme-alabak blogaren argazkietan agertu ahal izateko, esleitutako plazaren ordainketa egiteko unean horretarako dagoen botoia aktibatu behar duzuela.

KIROL UDALEKUAK KUTXA AROTZ-ENEAN
 

Sakatu irudian blogean sartzeko

Astebeteko egonaldia lagunartean kirolaz eta aisialdiaz gozatzeko euskaraz, paregabeko ingurunean. Jolasen bitartez triatloia ezagutzeko jarduerak egingo dira (igeriketa, bizikleta eta oinezko lasterketak) Hektor Llanosekin batera. Arratsaldetan, aldiz, aisialdirako unea izango da eta txangoak eta ekintzak burutuko ditugu ingurunea probestuz:  basoa, igerilekuko jolasak, dantza, marrazketa… Esperientzia bikaina eta ahaztezina.

Udalekuen helburu nagusia lagunartea sortzea da. Adin guztiei eta forma fisiko guztiei egokitutako ibilbideak eta ariketak prestatu ditugu, guztiek egin ahal izateko. Kirolaria ez denak ere badu tokia udaleku hauetan.

Azken egunean ikasitakoa praktikan jartzeko unea izango da, eta triatloi proba bat ospatuko da, kategorien araberakoa. Lehendabizikoa izango da askorentzat. Beraz, zirkuitu osoan zehar gidatu eta lagunduko diegu.                                             

Oharrak

  • Garraioa: norbere kasa txirrinda eraman behar baita.   
  • Familia ugariei, %7ko beherapena aplikatuko zaie Hirukide elkartekoak badira eta %5ekoa beste kasuetan (Familia ugariaren titulua eta dagokionean Hirukide txartela bidali behar dute arotz-enea@kutxa.eus helbidera, baieztapeneko mezua jaso ondorengo hamar egunetan, haurraren izen-abizenak adieraziz).
  • Informazio gehiago: arotz-enea@kutxa.eus.
  • Kutxak jardueraren ezaugarriak aldatzeko edota jarduerak bertan behera uzteko eskubidea izango du, gutxieneko parte-hartzaileen kopurua ez bada betetzen.   

Adina: 7-14 urte

7.txanda: Abuztuak 5etik 10era (euskaraz).

Prezioak:

  • Gaztedi: 214€
  • Orokorra: 238€

                                                                                                                                                                                                                                                     
UDALEKUETAKO BLOGA
Udalekuak dirauen bitartean blog bat prestatuko dugu, eta bertan zuen seme-alaben eguneroko jarduna ezagutu ahal izango duzue. Gogoan izan, zuen seme-alabak blogaren argazkietan agertu ahal izateko, esleitutako plazaren ordainketa egiteko unean horretarako dagoen botoia aktibatu behar duzuela.